كلمات سودانية بحتة

جر=تقال للكلب عندما تريد طرده
عرت=تقال للحمار
هرت(بضم الهاء)تقال للحصان
بس(بكسر الباء)تقال للقط
تك=تقال للماعز

هذا جزء بسيط من كلامتنا الدارجية
نرجو من الجميع المشاركة

مشكور يا امير
للروائع
وهاك ديى
حى حى لمناداة الغنم
ونسال واجيك

مشكــورين يا خالد وبقه الصراحه الوحيده البعرفها هي بس:بكسر الباء البنقولها للقط تاني ما عرفته ولا وحده

عبدالباقى جبارة كتب:: مشكور يا امير
للروائع
وهاك ديى
حى حى لمناداة الغنم
ونسال واجيك

تسال ليه يا اخوي؟؟
ما معانا غش
جيب من راسك ما من كراسك

Mad

شكرا علي الاضافة

ست الكل كتب:: مشكــورين يا خالد وبقه الصراحه الوحيده البعرفها هي بس:بكسر الباء البنقولها للقط تاني ما عرفته ولا وحده

ست الكل
كل سنة وانتي طيبة

امانة ما اتلومتي في حقنا؟

كيفن ما بتعرفي من الكلمات دي غير "بس"

ياخي ما تخلينا نقول عليك حنكوشة Laughing

شكرا لمرورك من هنا

ست الكل كتب:: مشكــورين يا خالد وبقه الصراحه الوحيده البعرفها هي بس:بكسر الباء البنقولها للقط تاني ما عرفته ولا وحده

مشكورة ست الكل للمرور

اسالى الوالد من الكلمات المزكورة

وهاكم

كر كر تقال للجداد عند طرده من داخل البيت

حم حم لمناداة الحمام للاكل
هوش هوش نداء للحمار بالوقوف
ووالله ياخالد ماسالت زول
دى من عندى

هاكم دي
مطموص دي لوم
كريت للعنز ام اضنين قصار
العبور للنعجه العاقر
عبلوق للعتوت الصغير وسمين

مشكور اخ خالدعلي المساهمات الرائعه من تراثنا
تراث السلوكا والمحويت والقلابة والفرنيبه والمشلعيب والحوية والمخلوفه والقربه والسعن والبرش والعنقريب والغباشة والرواب الكدنكه والمنجل وغيرها من الكليمات التي تتداول في ريفنا الحبيب

الشيخ عثمان كتب:: مشكور اخ خالدعلي المساهمات الرائعه من تراثنا
تراث السلوكا والمحويت والقلابة والفرنيبه والمشلعيب والحوية والمخلوفه والقربه والسعن والبرش والعنقريب والغباشة والرواب الكدنكه والمنجل وغيرها من الكليمات التي تتداول في ريفنا الحبيب

نعم تراثنا جميل وما زلنا نتمسك ببعض منه ولكن الكثير من تراثنا تلاشي او في طريقه لان يصل مرحلة التلاشي.
عندك المشلعيب مثلا, حلت بدله الثلاجة والدولاب حل بدل السحارة وبدا الناس يستخدمون الالات الزراعية الحديثة بدلا عن الالات التقليدية.

واخيراً خالد لقى لينا شغلة اصلاً كنا فاضين يلا تعالوا نشتغل مع خالد بتعريف دارجيتنا الاصيلة ونكر بها

حاو وش : تقال للحمار للوقوف

» امثال سودانية منافية للتعايم الاسلامية
» كلمات لا تموت
» كلمات عجيبة ولكنها حكيمة
» كلمات بالأمس لها معنى و اليوم لها معنى اخر^^