مسادير

ملاح روباً مدنكل طافيه فيهو جماده
أحسن من فراخاً سعرو كل يوم فى زياده
أنفلونزا الطيور الوصلت أم كداده
كمان آخر الزمن الزول تكتلو جداده

******
الأمر مقدر وكل شى إراده
ليه ناس أب عرف يمتو سو إباده
رفعو عريضة إستئناف بدورو إقاده
صدر حكماً سريع الموت لى كل جداده

******
واحدين فازو بى جهاداً نهايتو شهاده
واحدين ماتو بى أكل عرف وجداده
بعد جن البقر والوقعو فيهو إباده
بنقرض رغيف ونشرب عليهو الساده

******
كل مرض الجداد على بلدنا إتناده
وجات ست مزرعه ظاهر عليها حداده
الثعلب قنع قال النخالف العاده
إدلى البحر رمى للسمك جباده

******
أم سكاك أصبرى وهاك منى أفاده
فى سوق اللحم تمنك يساوى جراده
كان أكلك فلان وكان مسّكوكى قياده
وكان ريشك فرو وكان لبسوكى قلاده
مدلى البلد باكر بجيب جباده