والله ياالدهشان كل من قول نتوب تاني تخلون
نرجع لي هنبريب البطانة
إن مدحوكي يصغروا من مديحك ناس
وإن وصفوكي وصفك ما بشيلوا الرأس
وإن قاسوكي وين ليك بتلقي مقاس
أنتي مكّمله وغيرك ربع وأخماس
------------------------------
يا قصيبة الوادي الشال برم قندولا
لبّن وأنتنت ساقا النحيل ما بشيلا
إن نضمت متل سجع القماري هديلا
وإن ضحكت مطر يجرف رويحتك سيلا
---------------------------------
زى جدي الغزال كاحلات عيونا وزينه
وإن قامت مشت تقدل تقول وزّينه
السبب القبيل خلاها تبقي حزينة
قالت لي بخاف عين الحسود تأزينه
-------------------------------------
من صدر القمر رضعت روت وجناتا
ومن ضرع الغزال حلبت سماحتا جاتا
متل الضّل بشيش جوه القلوب ولجاتا
تسكن في النفس تتاوي في خلجاتا
قدر ما قلت أتوب من الغرام وفعايلو
يبراني ويفوح طيب المسك في جدايلو
كيفن عاد الفكاك وانا قلبي ما كت قايلو
يبقي الريد دوام في كتفو حايم وشايلو
--------------------------------------
إن مريتي فرعا بالنسايم ماس
وإن مسّوك من مسكك بخافوا الناس
في صدرك قنابلا خوفن فرّاس
وفي عينيك يتوه الزول تقول مو00 حاس
تجيك بي مهله والفلجه لما000 تشوفا
عمقا باهي مخروطه ومضمر جوفا
زي مهر السبق متضره00 ومكلوفا
قلبي الكان صميم جابتلو فره وخوفا
ا
الجمعة فبراير 10, 2012 10:55 pm من طرف 
موضوع: الابتوب 
